airplanebooksbriefcase business cogs cross election entertainment fish house law lockmedicalpeopleselfservices socialtax

Immikkut siunnersorti

Inatsisit tunngaviusussat pillugit Isumalioqatigiissitat allattoqarfiat immikkut siunnersortimik pissarsiorput 1.august 2020 sulilersinnaasumik. Allagarsiussaq uani atuarneqarsinnaavoq.
Qinnuteqarfissaq kingulleq:
25. juni 2020
Sumiiffik/Pisortaqarfik:
Noorlernut 4, stuen
Sivisussuseq:
Piffissaq tamakkerlugu suliffik
Atorfininnermi ulloq:
1. august 2020
Inatsisit tunngaviusussat pillugit Isumalioqatigiissitat Allattoqarfiat immikkut siunnersortiimik pissarsiorpoq
Inatsisinik tunngaviusussanik suliaqarnermik soqutiginnittumik immikkut siunnersortimik marluinnik oqaaseqartumik augustusip aallaqqaataani 2020, imaluunniit immikkut isumaqatigiissuteqarnikkut, atorfinittussamik Allattoqarfik pissarsiorpoq.

Atorfeqartitaanermut piffissaliussaq killiligaq pineqarpoq 2021-ip naanerani naasussatut naatsorsuutigineqarluni, sivitsorneqarnissaali periarfissaalluni.

Allattoqarfiup akisussaaffigaa Inatsisit tunngaviusussat pillugit Isumalioqatigiissitanik Kalaallit Nunaata inatsisigiligassaanik tunngaviusunik missingersuusiortussanik sulissussineq siunnersuinerlu. Taamatut sulinermi innuttaasunik peqataatitsinissaq isumalioqatigiissitat annertuumik pingaartippaat.

Atorfik atorneqassaaq inatsisinut tunngaviusussanut atugassanik misissueqqissaarnermik ilusilersuinermillu qajannaallisaanermut. Tamatuma saniatigut isumalioqatigiissitat ataanni ataatsimiititalianik assigiinngitsunik sulissussinerup siunnersuinerullu allattoqarfiup piginnaasaanik immikkut siunnersorti nakussassaataassaaq.

Suliassat pingaarnerit
Atuuffinnik makkuninnga pingaarnerusunik immikkut siunnersorti suliaqassaaq:
  • Tusarniaanerni akissuteqaatinik suliaqarnermi ataqatigiissaarineq suliareqqiinerlu
  • Ataatsimiititaliat sulinerinik ataqatigiissaarineq allattaanerlu
  • Inatsisinut tunngaviusussanut atugassanik misissueqqissaarnissaq ilusilersuinissarlu
  • Isumalioqatigiissitanut allanullu nassuiaasiortarnissaq nalunaarusiortarnissarlu
  • Isummerfissanik suliaqarneq, tamatumunnga ilanngullugu ataatsimiititalianut isumaloqatigiissitanullu assigiinngitsunik oqallisissiortarneq
  • Tusarniutinik katersineq, uppernarsaasiorneq ilusilersuinerlu
  • Isumaliutissiissutissamut immersueqataaneq
  • Innuttaasut ataatsimiisinneqartarnerini assigisaannilu peqataaneq

Piukkunnaatit piginnaasallu
  • Ilinniagartuutut attuumassutilimmik ilinniagaqarneq
  • Kalaallit Nunaanni pisortani ukiuni arlalinni sulisimanermik misilittagaqarneq
  • Misissueqqissaarnermut aaqqissuussilluarnermullu piginnaasaqarluarneq
  • Kalaallisut, danskisut, ajornanngippallu tuluttut, oqaluttarissatigut allattarissatigullu piginnaasaqarluarneq
  • Paasissutissiinermut piginnaasaqarluarneq
  • Kalaallit Nunaanni inuiaqatigiinni naalakkersuinermilu pissutsinik ilisimasaqarluarnissaq
  • Inatsisinik tunngaviusunik suliaqarnermut, taakkuninnga sanarfinermut il.il. atatillugu pissutsinik assigiinngisitaartunik annertuumik soqutiginninneq
  • Suleqatigiinnermut attaveqarnermullu akuunissamut piginnaasaqarluarneq
  • Suliassanik naammassisaqarniarnermi alapernaassusermik isumassarsiorsinnaassusermillu piginnaasaqarneq.

Allattoqarfik pillugu
Inatsisit tunngaviusussat pillugit Isumalioqatigiissitat Allattoqarfiat suliffeqarfiuvoq sulerusussuseqarfiusoq. Suliffeqarfimmi persuarsiorfiunngitsumi suliamut piginnaasaqarluarneq suleqatigiinnerlu pingaartippagut.

Allattoqarfiup isumagai allaffissorneq, aningaasaqarneq, missingersuutit, pilersaarusiorneq, ataatsi-miititalianik isumalioqatigiissitanillu sullissineq, inunnik qaammarsaaneq, attaveqatigiinneq aamma paasissutissiisarneq, innuttaasunik peqataatitsineq tusarniaanerillu Kalaallit Nunaata inatsisigiligassai tunngaviusut missingersuusiorfigineqarnissaat siunertaralugu.

Piffinni aalajangersimasuni ulapaarnissaq naatsorsuutigineqassaaq, taamaammat eqaassuseqarnissaq akimullu suleqatigiinnissamut piumassuseqarnissaq piumasarineqarpoq.

Suliffimmi atugassarititaasut pitsaasut aammalu avatangiisit persuarsiorfiunngitsut assigiinngisitaarnermut isumassarsiorluarnermullu inissaqartitsiviusut neqeroorutigaagut.

Paasissutissat sukumiinerusut
Annertunerusumik atorfik pillugu paasisaqarusukkuit tikilluaqquneqarputit attavigissallugu allattoqarfimmi pisortaq Karen Kiær Jakobsen, oqa. +299 34 66 64, mobilip normua +299 55 54 88 mail-ikkulluunniit kkja@nanoq.gl.

Ulloq qinnuteqarfissaq kingulleq
Qinnuteqaat kingusinnerpaamik 25. juni 2020 tigoreersimassavarput.

Naatsorsuutigaarput sapaatip akunnerani 27-mi oqaloqateqarnissat ingerlatissallugit.

Atorfininnissamut ulloq tassaavoq 1. august 2020 imaluunniit piaarnerpaamik isumaqatigiissuteqarnikkut.

Atorfinitsitaanermi atugassarititaasut
Akissarsiatigut atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.