Inatsisit tunngaviusussat pillugit Isumalioqatigiissitat allattoqarfiat pisortartaartoq.
Allattoqarfimmi ukiuni pingasuni pisortaasimasoq Johan Lund Olsen taarserlugu junip ulluisa aallaqqaataanni pisortanngorpoq Karen Kiær Jakobsen.
Karen Kiær Jakobsen inatsisilerituutut soraarummeernikuuvoq ukiorpaalussuanngortunilu Namminersorlutik Oqartussani sulisooreersimalluni.
Kingullertigut suliffigivaa Aningaasaqarnermut Naalakkersuisoqarfik, inatsisit tunngaviusut pillugit allaffeqarfimmi immikkut siunnersortitut atorfeqarluni.
“Inatsisilerituutut ilinniagaqarsimanissaq inatsisilerinermillu suliaqarlunilu misilittagaqarnissaq toqqaaniarnitsinni pingaartissimavarput. Nunatta inatsisaanik tunngaviusunik suliaqarnitsinni Karen Kiær Jakobsen suliatigut aammalu allattoqarfimmi pisortatut siulersuilluarnissaa isumalluarfigaarput. Karen Kiær Jakobsen atorfittaarneranik pilluaqqungaarusuppara”, taama oqaaseqarpoq Inatsisit tunngaviusussat pillugit Isumalioqatigiissitat siulittaasuat Ineqi Skourup Kielsen.
Karen Kiær Jakobsen 41-nik ukioqarpoq marlunnillu erneqarluni.
Attavigisassaq
Ineqi Skourup Kielsen, Inatsisit tunngaviusussat pillugit Isumalioqatigiissitat siulittaasuat/Formand for Forfatningskommissionen
Mobil nr.: 58 73 31