airplanebooksbriefcase business cogs cross election entertainment fish house law lockmedicalpeopleselfservices socialtax

Allattoqarfimmi pisortaq

Inatsisit tunngaviusussat pillugit isumalioqatigiissitat allattoqarfiannut pisortaq inuttassarsiorneqarpoq.

Atorfinitsitaaneq pissaaq 1. juni 2020, imaluunniit tamatuma kingorna sapinngisamik sukkanerpaamik.
Qinnuteqarfissaq kingulleq:
21. maj 2020
Sumiiffik/Pisortaqarfik:
Forfatningskommissionen
Sivisussuseq:
Tamakkiisumik
Atorfininnermi ulloq:
1. juni 2020
Suliamut pisortaq pikkorissoq inuttassarsiariniarparput, taassuma Inatsisit tunngaviusussat pillugit Isumalioqatigiissitat suleqatigalugit Kalaallit Nunaata tunngaviusumik inatsisissaannut siullernut missingiut suliarissavaa.

Atorfinitsitaaneq pissaaq 1. juni 2020, imaluunniit tamatuma kingorna sapinngisamik sukkanerpaamik.

Atorfeqartitaanermut piffissaliussaq killiligaq pineqarpoq, 2021-ip naanerani naasussatut naatsorsuutigineqarluni, sivitsorneqarnissaali periarfissaalluni.

Allattoqarfimmut nalinginnaanngilluinnartumik suliassalimmut akisussaasoorusuppit? Aamma attuumassuteqartunik misilittagaqarpit piginnaasaqarlutillu? Taava imaassinnaavoq illit allattoqarfimmi pisortartaassarigitsigit.

Allattoqarfik arfinilinnik sulisoqarpoq. Assigisaanillu Inatsisit tunngaviusussat pillugit Isumalioqatigiissitanut ilaasortat arfinillit kiisalu taaseqataasinnaanatik ilaasortat tallimat sullinneqartarput.

Allattoqarfimmi pisortatut isumalioqatigiissitami ilaasortat tamaasa aqutsinermut tunngasutigut qanimut suleqatigiissavatit. Atorfik unamminartoq pineqarpoq, nutaaliorluni eqqarsarsinnaanermik, qitiutitsisinnaanermik, tulleriinnilersuisinnaanermik kiisalu suleqatigiissinnaanermik piumasaqaateqarfiusoq.

Isumalioqatigiissitat Siulittaasoqarfiat qanimut suleqatigalugu Inatsisit tunngaviusussat pillugit isumalioqatigiissitat allattoqarfianik ingerlatsineq, ineriartortitsineq pingaarnertullu taassumunnga akisussaaneq allattoqarfimmi pisortatut suliassarissavat. Allattoqarfiup suliassai Inatsisit tunngaviusussat pillugit isumalioqatigiissitanut suliakkiissummi nassuiagaapput. Kalaallit Nunaata tunngaviusumik inatsisissaata oqaasertalersornissaata missingiusiornissaa siunertaralugu allaffissorneq, aningaasaqarneq, missingersuusiorneq, pilersaarusiorneq, isumalioqatigiissitanik taassumalu ataatsimiititalianik suleqatigiissitalianillu pilersitaanik sullissineq, inunnik paasisitsiniaaneq, attaveqatigiinneq paasissutissiisarnerlu, innuttaasunik akuutitsineq kiisalu tusarniaasarnerit allattoqarfiup isumagisarai.

Allattoqarfiup pisortaata suliassai ilaatigut makkuupput:
  • Inatsisit tunngiviusussat pillugit Isumalioqatigiissitat sullinneqarnissaat
  • Allattoqarfiup sulinerata aqunneqarnera, ataqatigiissaarnera kiisalu pitsaassutsimik qulakkeerinninneq
  • Attaveqatigiinnermut suliassat, taamatuttaaq tusagassiuutinut attaveqarneq
  • Inatsisinik tunngaviusunik suliaqarnermi allat akuusut soqutigisallillu suleqatigiinnerannik ataqatigiissaarineq
  • Aningaasaqarnermik aqutsineq, ilanngullugit missingersuutinik suliaqarneq taakkununngalu malitseqartitsineq
  • Periusissatigut pilersaarusiorneq
  • Allattoqarfiup allaffissorneranik isumagisaqarneq
  • Naalakkersuisoqarfimmut akisussaasumut attaveqarneq.

Allattoqarfimmut pisortaq ataani allassimasunut amerlanerpaanut angersinnaassasoq kissaatigaarput:
  • Kalaallisut, qallunaatut tuluttullu piginnaasaqarneq
  • Inatsisilerituutut (cand. jur.-itut) assigisaanilluunniit ilinniagaqarsimaneq
  • Tunngaviusumik inatsisiliornermut eqqarsaatinik aamma/imaluunniit tunngaviusumik inatsisiliornermik maanna atuuttunik ilisimasaqarneq
  • Nunatsinni kulturimik/kulturinik inuiaqatigiinnillu sukumiisumik ilisimasaqarneq
  • Qaffisissumik ilinniakkamik tunuliaqutaqarneq atorfimmillu assigisaanik misilittagaqarneq
  • Aqutsinermik misilittagaqarneq
  • Periarfissanik takunnissinnaassuseqarneq atugassarititaasunillu sapinngisamik annerpaamik pissarsisinnaassuseqarneq
  • Nammineersinnaassuseqarneq, nutaaliorsinnaassuseqarneq, siumoortumik iliuuseqarsinnaassuseqarneq tamaginnillu malinnaasinnaassuseqarneq
  • Ulluinnarni suliassaagallartut arlaqaqisut takkuttarfianni allattoqarfiup suliassaanik assigiinngiiaaqisunik tulleriiaarisinnaaneq
  • Sulisut piginnaasaasa atorluarsinnaanerannik, sulisunillu kajumilersitsisinnaaneq sulisullu sulinerminni pitsaasunik avatangiiseqarnissaannik pilersitsitsisinnaaneq
  • Sulinermi avatangiisinik suleqatigiinnermut sammisitaasunut akuusinnaaneq
  • Inunnik suleqateqarnermi assigiinngissuteqarnermut akuersaarsinnaassuseqarneq.

Atorfimmut inuup eqqortup ivertinneqarnissaa pingaaruteqarpoq, aamma qinnuteqartup ataatsimoortumik piginnaaneri piginnaasaalu isiginiassavagut. Suliffik pissanganartoq amerlaqisunik unammilligassartalik, suliamut atatillugu ineriartorfiusoq pissanganartunillu suleqatigiinnermut attuumassuteqarfiusoq neqeroorutigisinnaavarput.

Isumalioqatigiissitat sulinerani inatsisilerinermut tunngasutigut sulinermut qitiussaatit. Taamaattumik suliamut tunniusimasuunissat naatsorsuutigaarput, suliamullu atatillugu qaffasissumik suliumatussuseqarnissat naatsorsuutigalutigu.

Inussiarnersumik malugeqqussavarput atorfik politikkikkut manna, imaluunniit piffissami nutaajunerusumi akulerusimannginnissamik piumasaqaatitaqarmat.

Isumalioqatigiissitat suiaassuseq, inuiaassutsikkut tunuliaqutit, upperisaq innarluuteqarnerluunniit apeqqutaatinnagit naligiissitsinermik siuarsaaqataarusuppoq. Assigisaanillu inuunermit misilittakkat inuttullu inerisimassuseq iluaqutissatut isiginiarneqassapput.

Aningaasarsiatigut atorfinitsitaanermilu atugassarititaasut
Atorfik akissaateqarfimmi LR 38-mi maanna inissisimavoq.

1. april 2020 LR 38-mi akissarsiat imak isumaqagitiissutigineqarnikuupput qaamammut Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Inissaq
Atorfimmut atatillugu inissamik innersuussisoqarsinnaanngilaq.

Inatsisit tunngaviusussat pillugit Isumalioqatigiissitat siulittaasuanut, Ineqi Skourup Kielsen, inki@nanoq.gl-imut, kiisalu oqarasuaatikkut 587331-ikkut saaffiginninnikkut paasissutissat annertunerusut pissiarsiarineqarsinnaapput.

Qinnuteqaat CV-mik soraarummeersimanermullu uppernarsaatit assilineqarnerannik ingiaqateqartillugu attaveqaat ataani allassimasoq aqqutigalugu kingusinnerpaamik ulloq 21. maj 2020-mi nassiunneqareersimassaq.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job