Allattoqarfik marluinnik oqaasilimmik inatsisilerinermut immikkoortortamut pisortassamik pissarsiorpoq, inatsisinik tunngaviusunik suliaqarnermut soqutigisalimmik 1. november 2020-mi, imaluunniit isumaqatigiissuteqarnikkut atorfinittussamik. Piffissami killiligaasumi atorfeqartitsineq sivitsuinissamut periarfissaqartoq pineqarpoq.
Allattoqarfik Inatsisit Tunngaviusussat pillugit Isumalioqatigiissitamik sullissinermut siunnersuinermullu akisussaasuuvoq, isumalioqatigiissitat Kalaallit Nunaata tunngaviusumik inatsisissaanut missingiummik allannissaq suliassaraat. Isumasioqatigiissitat sulinermi innuttaasunik peqataatitsineq annertuumik pingaartippaat.
Atorfimmik siunertaavoq inatsisinik tunngaviusussanik piareersaalluni sulinermut inatsisilerinikkut piukkunnaateqartumik ikiuunnermik pilersornissaa. Inatsisilerinermut Immikkoortortami pisortap pingaartumik suliarissavai, Kalaallit Nunaata tunngaviusumik inatsisissaata oqaasertassaanik missingiummik tassungalu aalajangersakkanut attuumassuteqartunut missingiummik suliaqarnermi, inatsisit tunngaviusut pillugit apeqqutit. Peqatigitillugu inatsisilerinermut immikkoortortami pisortap, suliffeqarfiup ataatsimiititalianik assigiinngitsunik isumasioqatigiissitat ataanniittunik sullissinissamut siunnersuinissamullu piginnaasaanik nukittorsaassaaq.
Suliassat pingaarnerit
Inatsisilerinermik immikkoortortaqarfimmi pisortap pingaarnertut makku suliarissavai:
Siammasissumik inatsisilerinikkut ikiuineq
Isumasioqatigiinnut aamma allattoqarfimmut atatillugu siunnersuineq aamma siunersiuineq
Suleqatigiissitanik isumasioqatigiissitanit pilersinneqartunik allattoqarfittut sullissineq
Tunngaviusumik inatsisissap oqaasertassaanut atatillugu inatsisiliorneq
Tunngaviusumik inatsisissamut missingiummut inatsimmut oqaaseqaatit
Tunngaviusumik inatsisissap imarisaani oqaatsinik isumasiuineq, nalilersuineq aamma nassuiaaneq
Oqallissaarutinik, nassuiaanernik, tunngaviusumik inatsisissamut missingiummik, isumaliutissiissummik il.il. suliaqarnermut atatillugu inatsisilerinikkut suliassat
Tunngaviusumik inatsisissamut attuumassuteqartunik suliassat allat, inatsisilerinikkut eqqartuussisarnikkullu apeqqutit ukkataralugit.
Pisinnaasat piginnaasallu
Attuumassuteqartumik ilinniarnertuutut ilinniagaq (ass. cand.jur.)
Pisortani ingerlatsinermi ukiuni arlalinni misilittagaqarneq perusunnarsinnaavoq
Misissueqqissaarsinnaanermi aaqqissuussisinnaanermilu piginnaasat pitsaasut
Oqaatsitigut aamma allannikkut ingerlatitseqqissinnaanermi piginnaasat pitsaasut
Kalaallit kulturianut Kalaallillu Nunaanni inuiaqatigiinnut ilisimasaqarneq
Suliffeqarfimmi politikkikkut aqunneqartumik sulinermik misilittagaqarneq
Aqutsinermik misilittagaqarneq
Inatsisinik tunngaviusussanik suliaqarnermut, inatsisinik tunngaviusussanik ineriartortitsinermut il.il. atatillugu apeqqutinut annertuumik soqutigisaqarneq, kiisalu
Suleqateqarluarsinnaaneq kiisalu attaveqaatinik pilersitsinissamut pisinnaasaqarneq.
Suliniummut sammiveqartumik kiisalu ataqatigiissaaraluni sulinermut piginnaasaqarneq
Attuumassuteqartumik ingerlariaqqiffiusumik ilinniagaqarneq.
Allannikkut aamma oqaatsitigut attaveqateqarsinnaanermut piginnaasat pitsaasut
Marluinnik oqaaseqarneq (kalaallisut/qallunaatut) aamma takornartat oqaasiinik piginnaasaqarneq iluaqutaassaaq, piumasaqaataananili.
Allattoqarfik pillugu
Inatsisit tunngaviusussat pillugit isumasioqatigiissitap allattoqarfia suliffeqarfiuvoq sulerusussusilik. Suliffimmi pingaartorsiorfiunngitsumi sulianik ilisimasaqarneq suleqateqarnerlu pingaartitaraagut. Suliffeqarfeeraavugut maannakkorpiaq arfinilinnik sulisoqartoq.
Allattoqarfiup allaffissorneq, aningaasaqarneq, missingersuutit, pilersaarusiorneq, ataatsimiititalianik isumasioqatigiinnillu sullissineq, innuttaasunik paasissutissiineq, attaveqatigiinneq aamma ingerlatitseqqiineq, Kalaallit Nunaata inatsit tunngaviusussaanut missingiummik allannissaq siunertaralugu innuttaasunik peqataatitsineq kiisalu tusarniaanerit isumagisarpai.
Piffissat ilaani ulapaartarnissaq naatsorsuutigineqassaaq, taamaattumik nikerarsinnaaneq aamma suleqateqarnissamut piumassuseq piumasaqaataapput.
Sulinermi pissutsit pitsaasut kiisalu avatangiisit pingaartorsiorfiunngitsut assigiinngissutsimut isumassarsianullu pitsaasunut inissaqartitsiffiusut neqeroorutigaagut.
Qinnuteqarnissamut killigititaq
Qinnuteqaat tigoreersimassavarput kingusinnerpaamik 30. oktober 2020
Naatsorsuutigaarput sapaatip akunnerini 44-45-mi oqaloqatigiinnerit ingerlatissallugit.
Ulloq atorfiniffissaq 1. november 2020, imaluunniit isumaqatigiissuteqareernikkut piaarnerpaamik.
Atorfinitsitsinissamut oqaloqatiginninnerit qinnuteqarnissamut killigititap qaangiunnerata kinguninngua ingerlanneqassasut naatsorsuutigineqarpoq.
Paasissutissat annertunerusut
Atorfik pillugu paasisaqarnerorusukkuit, allattoqarfimmi pisortaq Karen Kiær Jakobsen attaviginissaanut tikilluaqqusaavutit, tlf. +299 34 66 64, mobil nr. +299 55 54 88 imaluunniit kkja@nanoq.gl.
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.
1. april 2020 LR 38-mi akissarsiat imak isumaqagitiissutigineqarnikuupput qaamammut Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.
Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.
Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.
Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.
Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.