airplanebooksbriefcase business cogs cross election entertainment fish house law lockmedicalpeopleselfservices socialtax

Ukiumoortumik 2020-mut nalunaarut

Inatsit tunngaviusussaq pillugu Isumalioqatigiissitat 2020-mut ukiumoortumik nalunaarutaat saqqummerpoq.
24. juni 2021

Inatsit tunngaviusussaq pillugu Isumalioqatigiissitat siorna sulingaatsiarsimaqisut ukiumoortumik nalunaarut 2020-moortoq maanna saqqummersippaat. 

Isumalioqatigiissitat siulittaasuat, Ineqi Skourup Kielsen, ukiumoortumik nalunaarummi aallarniuteqarluni oqaluttuarpoq tamanna avataaniilluni sulianik pisortatigoortumik suli saqqummiivigineqarani immaqa takujumisaassinnaagaluartoq.

- Isumalioqatigiissitat Nunatta tunngaviusumik inatsisissaatut missiliuut siulleq inaarsarlugu paasiniaallutillu aaqqissuisimaqaat, Isumalioqatigiissitat siulittaasuat, oqarpoq, nangillunilu:

- Naalakkersuisut suliakkiutaat piumasaqaatitaqarpoq missiliuut peqqissaarullugu tamakkiisumik atuarneqarsinnaalerpat, aammalu isumalioqatigiissitat naapeqatigiissutigisimalerpassuk aatsaat avammut tusarniutigineqarsinnaalissasoq.

Inatsit tunngaviusussaq pillugu sulineq 2022-p naalernerani naammassineqartussatut naatsorsuutigineqalerpoq.

2020-mut ukiumoortumik nalunaarut uani atuarneqarsinnaavoq.

Ineqi

Ineqi Skourup Kielsen

Inatsit tunngaviusussaq pillugu Isumalioqatigiissitani siulittaasoq

Attavissaq: 34 67 06