Ileqquusumik ataatsimiinnermi ilaatigut ilaasortat nutaat ivertinneqarlutillu Isumalioqatigiissitanut tikilluaqquneqarput; Mari Kleist, Partii Naleqqameersoq Isumalioqatigiissitat siulittaasoqarfiani qanimut ilaasortanngorpoq saniatigullu Nunanut Allanut Sillimaniarnerlu Pillugit Apeqqutit Pillugit suleqatigiissitani ilaasortanngorluni. Immikkullu ilaasortatut ivertinneqarpoq inatsisileritooq Sara Paninnguaq Lundblad, taannalu Naalakkersuisaatsit Pillugit suleqatigiissitani ilaasortanngorluni.
Ataatsimiinnermittaaq nunatta pisuussutaanut tunngasut uumasut uumaatsullu ilaatigut isummerfigineqarput – sammisat taakku isumalioqatigiissitanit pingaartutut isigineqarmata, sukumiinerusumillu eqqartorneqartariaqarnerat eqqartorneqarluni.
Ileqquusumik ataatsimiinnermi Isumalioqatigiissitat siulittaasortaavata Kuupik V. Kleistip siunissami qaninnerusumi ungasinnerusumilu suleriaasissaq ilaatigut saqqummiuppaa.
Ataatsimiinneq Isumalioqatigiissitani siulittaasumit Isumalioqatigiissitallu allattoqarfianit aaqqissuunneqarpoq ingerlanneqarlunilu.
-
- “Nuannaarutigaara tulluusimaarutigalugulu siulittaasutut inissinneqarsimagama suliassatsinnullu annertuunut aallussinissarput qilanaaralugu. Isumalioqatigiissitani piffissaliussaasoq naapertorlugu suliakkiissutit naammassisinnaassallugit neriuppugut tamannalu anguniarlugu ilungersorluta sulissaagut,” Kuupik V. Kleist oqarpoq.
Isumalioqatigiissitat tullissaani ileqquusumik ataatsimeeqqissamaarput februaarip 20-ani 2022.
Attavissat:
Allattoqarfimmi pisortaagallartoq, Maliina Junge Jørgensen +299 580147
Paasissutissiinermi pisortaq, Pipaluk Egede Poulsen, +299 580148.